Məhkəmə-psixoloji ekspertizası həm cinayət, həm də mülki işlər üzrə xüsusi psixoloji biliklərin tətbiq olunması ilə həyata keçirilir. Məhkəmə psixoloji ekspertizasının vəzifəsi şəxsiyyətin psixi fəaliyyətinin - idrak proseslərinin, emosional – iradi sferasının və fərdi-psixi xüsusiyyətlərinin öyrənilməsi və bunun cinayət əməlini törədən şəxsin, zərərçəkmişin, şahidin və başqa şəxslərin davranışına təsirini müəyyən etməkdən ibarətdir.
